പുഷ്പാഞ്ജലി - 3
ക്ഷേത്രങ്ങളിലെത്തിയാല്‍ ഒട്ടുമിക്കവരും കഴിക്കുന്ന വഴിപാടാണ് പുഷ്പാഞ്ജലി. പുക്കള്‍കൊണ്ട് ദേവചൈതന്യത്തിനു മുന്നില്‍ അര്‍പ്പിക്കുന്ന അര്‍ച്ചനയാണ് പുഷ്പാഞ്ജലി. ജപിക്കുന്ന മന്ത്രത്തിന് അനുസരിച്ച് വിവിധതരത്തിലുള്ള പുഷ്പാഞ്ജലികളുണ്ട്. അതായത് ഓരോഫലം ലഭിക്കുന്നതിനായി വിത്യസ്ത പുഷ്പാഞ്ജലികളുണ്ടെന്ന് അര്‍ഥം.
ശ്രീസൂക്ത പുഷ്പാഞ്ജലി നടത്തുന്നതുവഴി ഐശ്വര്യവും സമ്പല്‍സമൃദ്ധിയും വന്നുചേരുമെന്നാണ് വിശ്വാസം. ആയൂര്‍സൂക്തപുഷ്പാഞ്ജലി വഴിപാടായി നടത്തിയാല്‍ ദീര്‍ഘായുസും സ്വയംവരപുഷ്പാഞ്ജലി നടത്തിയാല്‍ മംഗല്യതടസങ്ങള്‍ നീങ്ങുമെന്നും വിശ്വസിക്കുന്നു.
ദാമ്പത്യഐക്യത്തിനും ദമ്പതികള്‍ തമ്മിലുളള കലഹം ഒഴിയുന്നതിനും ഐക്യമത്യസൂക്ത പുഷ്പാഞ്ജലിയും സര്‍വ്വൈശ്വര്യത്തിന് സഹസ്രനാമ പുഷ്പാഞ്ജലിയും നടത്തണമെന്നാണ് ആചാര്യന്‍മാര്‍ പറയുന്നത്.
സാരസ്വതസൂക്ത പുഷ്പാഞ്ജലി ദോഷപരിഹാരമായും അഭീഷ്ടസിദ്ധിക്കും നടത്താവുന്നതാണ്. ആയൂര്‍ദോഷപരിഹാരത്തിനും രോഗശമനത്തിനുമാണ് മൃത്യുഞ്ജയ പുഷ്പാഞ്ജലി.
വിഷ്ണുക്ഷേത്രത്തില്‍ ഭാഗ്യസൂക്തപുഷ്പാഞ്ജലി നടത്തിയാല്‍ ഭാഗ്യവും സമ്പല്‍സമൃദ്ധിയും ഫലമെന്നാണ് വിശ്വാസം. വഴിപാടുകള്‍ക്കായി ചീട്ടെഴുതിച്ചാല്‍ മാത്രം പോരാ, നമ്മുടെ പ്രാര്‍ഥനകള്‍കൂടിയുണ്ടെങ്കിലെ ഫലം ലഭിക്കൂ.
No comments:
Post a Comment