അട്ടാലസുന്ദരാഷ്ടകം

അട്ടാലസുന്ദരാഷ്ടകം

വിക്രമപാണ്ഡ്യ ഉവാച-

കല്യാണാചലകോദണ്ഡകാന്തദോര്‍ദണ്ഡമണ്ഡിതം ।
കബലീകൃതസംസാരം കലയേഽട്ടാലസുന്ദരം ॥ 1॥

കാലകൂടപ്രഭാജാലകളങ്കീകൃതകന്ധരം ।
കലാധരം കലാമൌളിം കലയേഽട്ടാലസുന്ദരം ॥ 2॥

കാലകാലം കലാതീതം കലാവന്തം ച നിഷ്കളം ।
കമലാപതിസംസ്തുത്യം കലയേഽട്ടാലസുന്ദരം ॥ 3॥

കാന്താര്‍ധം കമനീയാങ്ഗം കരുണാമൃതസാഗരം ।
കലികല്‍മഷദോഷഘ്നം കലയേഽട്ടാലസുന്ദരം ॥ 4॥

കദംബകാനനാധീശം കാംക്ഷിതാര്‍ഥസുരദ്രുമം ।
കാമശാസനമീശാനം കലയേഽട്ടാലസുന്ദരം ॥ 5॥

സൃഷ്ടാനി മായയാ യേന ബ്രഹ്മാണ്ഡാനി ബഹൂനി ച ।
രക്ഷിതാനി ഹതാന്യന്തേ കലയേഽട്ടാലസുന്ദരം ॥ 6॥

സ്വഭക്തജനസംതാപ പാപാപദ്മങ്ഗതത്പരം ।
കാരണം സര്‍വജഗതാം കലയേഽട്ടാലസുന്ദരം ॥ 7॥

കുലശേഖരവംശോത്ഥഭൂപാനാം കുലദൈവതം ।
പരിപൂര്‍ണം ചിദാനന്ദം കലയേഽട്ടാലസുന്ദരം ॥ 8॥

അട്ടാലവീരശ്രീശംഭോരഷ്ടകം വരമിഷ്ടദം ।
പഠതാം ശൃണ്വതാം സദ്യസ്തനോതു പരമാം ശ്രിയം ॥ 9॥

॥ ഇതി ശ്രീഹാലാസ്യമാഹാത്മ്യേ വിക്രമപാണ്ഡ്യകൃതം അട്ടാലസുന്ദരാഷ്ടകം ॥