|| ഗംഗാ സ്തോത്രമ്‌ ||
ദേവി! സുരേശ്വരി! ഭഗവതി! ഗംഗേ
ത്രിഭുവനതാരിണി തരളതരംഗേ |
ശംകരമൗളി വിഹാരിണി വിമലേ
മമ മതിരാസ്താം തവ പദകമലേ || ൧ ||
ഭാഗീരഥി സുഖദായിനി മാതഃ
സ്തവ ജലമഹിമാ നിഗമേ ഖ്യാതഃ |
നാഹം ജാനേ തവ മഹിമാനം
പാഹി കൃപാമയി മാമജ്ഞാനമ്‌ || ൨ ||
ഹരിപദപാദ്യ തരംഗിണി ഗംഗേ
ഹിമവിധുമുക്താ ധവളതരംഗേ |
ദൂരീകുരു മമ ദുഷ്കൃതിഭാരം
കുരു കൃപയാ ഭവസാഗരപാരമ്‌ || ൩ ||
തവ ജലമമലം യേന നിപീതം
പരമപദം ഖലു തേന ഗൃഹീതമ്‌ |
മാതര്ഗംഗേ ത്വയി യോ ഭക്തഃ
കില തം ദ്രഷ്ടും ന യമഃ ശക്തഃ || ൪ ||
പതിതോദ്ധാരിണി ജാഹ്നവി ഗംഗേ
ഖംഡിത ഗിരിവരമംഡിത ഭംഗേ |
ഭീഷ്മ ജനനി ഹേ മുനിവരകന്യേ
പതിതനിവാരിണി ത്രിഭുവന ധന്യേ || ൫ ||
കല്പലതാമിവ ഫലദാം ലോകേ
പ്രണമതി യസ്ത്വാം ന പതതി ശോകേ |
പാരാവാരവിഹാരിണി ഗംഗേ
വിമുഖയുവതി കൃതതരലാപാംഗേ || ൬ ||
തവ ചേന്മാതഃ സ്രോതഃ സ്നാതഃ
പുനരപി ജഠരേ സോപി ന ജാതഃ |
നരകനിവാരിണി ജാഹ്നവി ഗംഗേ
കലുഷവിനാശിനി മഹിമോത്തുംഗേ || ൭ ||
പുനരസദംഗേ പുണ്യ തരംഗേ
ജയ ജയ ജാഹ്നവി കരുണാപാംഗേ |
ഇംദ്രമുകുടമണി രാജിതചരണേ
സുഖദേ ശുഭദേ ഭൃത്യശരണ്യേ || ൮ ||
രോഗം ശോകം താപം പാപം
ഹര മേ ഭഗവതി കുമതികലാപമ്‌ |
ത്രിഭുവനസാരേ വസുധാഹാരേ
ത്വമസി ഗതിര്മമ ഖലു സംസാരേ || ൯ ||
അലകാനംദേ പരമാനംദേ
കുരു കരുണാമയി കാതരവംദ്യേ |
തവ തടനികടേ യസ്യ നിവാസഃ
ഖലു വൈകുംഠേ തസ്യ നിവാസഃ || ൧൦ ||
വരമിഹ നീരേ കമഠോ മീനഃ
കിം വാ തീരേ ശരടഃ ക്ഷീണഃ |
അഥവാശ്വപചോ മലിനോ ദീനഃ
സ്തവ നഹി ദൂരേ നൃപതികുലീനഃ || ൧൧ ||
ഭോ ഭുവനേശ്വരി പുണ്യേ ധന്യേ
ദേവി ദ്രവമയി മുനിവരകന്യേ |
ഗംഗാസ്തവമിമമമലം നിത്യം
പഠതി നരോ യഃ സ ജയതി സത്യമ്‌ || ൧൨ ||
യേഷാം ഹൃദയേ ഗംഗാ ഭക്തിഃ
സ്തേഷാം ഭവതി സദാ സുഖമുക്തിഃ |
മധുരാകംതാ പംഝടികാഭിഃ
പരമാനംദ കലിതലലിതാഭിഃ || ൧൩ |
ഗംഗാസ്തോത്രമിദം ഭവസാരം
വാംഛിതഫലദം വിമലം സാരമ്‌ |
ശംകരസേവക ശംകര രചിതം
പഠതി സുഖീഃ തവ ഇതി ച സമാപ്തമ്‌ || ൧൪ ||
രചനെ – ആദി ശംകരാചാര്യ
No comments:
Post a Comment