കടപയാദി സംഖ്യാ ക്രമവിവരണവും നാരായണീയത്തിലെ " ആയുരാരോഗ്യസൗഖ്യവും

കടപയാദി സംഖ്യാ ക്രമവിവരണവും നാരായണീയത്തിലെ " ആയുരാരോഗ്യസൗഖ്യവും

കടപയാദി സമ്പ്രദായത്തിൽ അക്കങ്ങളും ദിവസങ്ങളും ഭാഷാ രൂപത്തിൽ ശ്ലോകങ്ങളിലൂടെ പ്രതിപാദിക്കുന്നത് പണ്ടുകാലത്ത് പതിവായിരുന്നു. ഓരോ അക്ഷരങ്ങളുടെ ഉച്ചാരണത്തിനും ഓരോ അക്കങ്ങൾ എന്ന നിലയിൽ താഴെ ചേർക്കുന്നു. ഇത് ഹൃദിസ്ഥമാക്കണം.

ക ട പ യ എന്നിവയ്ക്ക് 1 ആണ് മൂല്യം

കടപയ 1
ഖഠഫര 2
ഗഡബല 3
ഘഢഭവ 4
ങണമശ  5
ചതഷ   6
ഛഥസ  7
ജദഹ    8
ഝധ    9
ന ഞ    0

സ്വരാക്ഷരങ്ങൾ 0

ശേഷം കടപയാദിയിൽ ഓരോന്നും വിശകലനം ചെയ്യാം.
ഉദാഃ

ജയം=18

ജ=8
യ= 1
ജയം =18
(വലത്തു നിന്ന് ഇടത്തോട്ട് )

ആയുരാരോഗ്യ സൗഖ്യം

ആ  =0
യു =1
രാ=2
രോ=2
ഗ്യ= 1(ഗ് + യ)
സൗ=7
ഖ്യം=1(ഖ്+യ)

അ - 0, യു - 1, രാ - 2, രോ - 2, ഗ്യ - 1, സൗ - 7, ഖ്യം - 1. അപ്പോൾ 0122171. തിരിച്ചിട്ടാ " 1712210''

അതിരിക്കട്ടെ, 1712210 എന്ന സംഖ്യയുടെ പ്രാധാന്യം എന്താ?''

മേല്‍പ്പത്തൂര്‍ ഭട്ടതിരി പ്രശസ്തമായ നാരായണീയത്തിന്റെ രചന പൂര്‍ത്തിയാക്കിയ ദിവസത്തിന്റെ കലിദിന സംഖ്യയാണത്.''
നാരായണീയത്തിലെ അവസാന ശ്ലോഗത്തിലെ അവസാന വരി "ആയുരാരോഗ്യസൗഖ്യം" എന്നാണ്. ഇതൊരു കടപയാദി പദമാണ്. ഈ വരി എഴുതിയ ദിവസത്തെ കലിദിന സംഖ്യ ഇതിൽ നിന്നും ലഭിക്കും.
ആയുരാരോഗ്യസൗഖ്യം= 0122171  തിരിച്ചെഴുതിയാൽ 1712210 എന്നു കിട്ടും. ഇതിനെ കൊല്ലവർഷത്തിലേക്ക് മാറ്റിയാൽ കൊല്ലവർഷം 762 വൃശ്ചികം 28 എന്നു ലഭിക്കും.മേല്പത്തൂർ നാരായണ ഭട്ടതിരി നാരായണ രചന അവസാനിപ്പിച്ച ദിനമാണത്. ഇതു നാരായണീയ ദിനമായി ആചരിക്കുന്നു.