നിര്വാണഷ്ടകം

നിര്വാണഷ്ടകം

മനോബുദ്ധ്യഹങ്കാരചിത്താനി നാഹം ന ച ശ്രോത്രജിഹ്വേ ന ച ഘ്രണനേത്രേ |

ന ച വ്യോമ ഭൂമിര്ന തേജോ ന വായുശ്ചിദാനന്ദരൂപഃ ശിവോഽഹം ശിവോഽഹം ||൧||

ന ച പ്രാണസംജ്ഞോ ന വൈ പഞ്ചവായുര്ന വാ സപ്തധാതുര്ന വാ പഞ്ചകോശാഃ |

ന വാക്പാണിപാദം ന ചോപസ്ഥപായൂ ചിദാനന്ദരൂപഃ ശിവോഽഹം ശിവോഽഹം ||൨||

ന മേ ദ്വേഷരാഗൗ ന മേ ലോഭമോഹൗ മദോ നൈവ മേ നൈവ മാത്സര്യഭാവഃ |

ന ധര്മോ ന ചാര്ഥോ ന കാമോ ന മോക്ഷശ്ചിദാനന്ദരൂപഃ ശിവോഽഹം ശിവോഽഹം ||൩||

ന പുണ്യം ന പാപം ന സൗഖ്യം ന ദുഃഖം ന മന്ത്രോ ന തീര്ഥം ന വേദാ ന യജ്ഞാഃ |

അഹം ഭോജനം നൈവ ഭോജ്യം ന ഭോക്താ ചിദാനന്ദരൂപഃ ശിവോഽഹം ശിവോഽഹം ||൪||

ന മൃത്യുര്ന ശങ്കാ ന മേ ജാതിഭേദഃ പിതാ നൈവ മേ നൈവ മാതാ ന ജന്മ |

ന ബന്ധുര്ന മിത്രം ഗുരുര്നൈവ ശിഷ്യശ്ചിദാനന്ദരൂപഃ ശിവോഽഹം ശിവോഽഹം ||൫||

അഹം നിര്വികല്പോ നിരാകാരരൂപോ വിഭുത്വാഞ്ച സര്വത്ര സര്വേദ്രിയാണാം |

ന ചാസങ്ഗതം നൈവ മുക്തിര്ന മേയശ്ചിദാനന്ദരൂപഃ ശിവോഽഹം ശിവോഽഹം ||൬||

ഇതി ശ്രീമച്ഛങ്കരാചാര്യവിരചിതം നിര്വാണഷട്കം സംപൂര്ണം ||