ശോണാദ്രിനാഥാഷ്ടകം

ശോണാദ്രിനാഥാഷ്ടകം

ശിവായ രുദ്രായ ശിവാര്ചിതായ മഹാനുഭാവായ മഹേശ്വരായ .

സോമായ സൂക്ഷ്മായ സുരേശ്വരായ ശോണാദ്രിനാഥായ നമഃശിവായ .. ൧..

ദിക്പാലനാഥായ വിഭാവനായ ചന്ദ്രാര്ധചൂഡായ സനാതനായ .

സംസാരദുഃഖാര്ണവതാരണായ ശോണാദ്രിനാഥായ നമഃശിവായ .. ൨..

ജഗന്നിവാസായ ജഗദ്ധിതായ സേനാനിനാഥായ ജയപ്രദായ .

പൂര്ണായ പുണ്യായ പുരാതനായ ശോണാദ്രിനാഥായ നമഃശിവായ .. ൩..

വാഗീശവന്ദ്യായ വരപ്രദായ ഉമാര്ധദേഹായ ഗണേശ്വരായ .

ചന്ദ്രാര്കവൈശ്വാനരലോചനായ ശോണാദ്രിനാഥായ നമഃശിവായ .. ൪..

രഥാധിരൂഢായ രസാധരായ വേദാശ്വയുക്തായ വിധിസ്തുതായ .

ചന്ദ്രാര്കചക്രായ ശശിപ്രഭായ ശോണാദ്രിനാഥായ നമഃശിവായ .. ൫..

വിരിഞ്ചിസാരഥ്യവിരാജിതായ ഗിരീന്ദ്രചാപായ ഗിരീശ്വരായ .

ഫാലാഗ്നിനേത്രായ ഫണീശ്വരായ ശോണാദ്രിനാഥായ നമഃശിവായ .. ൬..

ഗോവിന്ദബാണായ ഗുണത്രയായ വിശ്വസ്യ നാഥായ വിഷധ്വജായ .

പുരസ്യ വിധ്വംസനദീക്ഷിതായ ശോണാദ്രിനാഥായ നമഃശിവായ .. ൭..

ജരാദിവര്ജ്യായ ജടാധരായ അചിന്ത്യരൂപായ ഹരിപ്രിയായ .

ഭക്തസ്യ പാപൗഘവിനാശനായ ശോണാദ്രിനാഥായ നമഃശിവായ .. ൮..

സ്തുതിം ശോണാചലേശസ്യ പഠതാം സര്വസിദ്ധിദമ് .

സര്വസംപത്പ്രദം പുംസാം സേവന്താം സര്വതോ ജനാഃ .. ൯..