മൃതദേഹം എങ്ങനെ ദഹിപ്പിക്കണം?
മൃതശരീരത്തിനെ, നിലത്ത് ദര്‍ഭ തെക്കോട്ട്‌ മുനയാക്കിയിട്ടതിന്‍റെ മീതെ കിടത്തി, വായും കണ്ണുകളും അടച്ച്, കാല്‍പെരുവിരലുകള്‍ നൂല്‍ത്തിരി കൊണ്ട് ചേര്‍ത്തുകെട്ടി കൈകള്‍ നെഞ്ചില്‍വച്ച് അതിന്‍റെ പെരുവിരലുകളും നൂല്‍ത്തിരികൊണ്ട് കെട്ടി, പാദവും മുഖവുമൊഴിച്ച് എല്ലാ ഭാവവും ശുഭവസ്ത്രം കൊണ്ട് മൂടണം. തലയ്ക്കല്‍ എള്ളെണ്ണ ഒഴിച്ച് കരിച്ച നിലവിളക്ക് വയ്ക്കണം. ചുറ്റും അക്ഷതവും എള്ളും ചേര്‍ത്തൊരു ഗോളമിടുകയും ചാമ്പ്രാണി, ദശാംശം, അഷ്ടഗന്ധം എന്നിവ പുകയ്ക്കുകയം വേണം.
ശവമഞ്ചം പട്ടടയിലേയ്ക്ക് ബന്ധുക്കള്‍ എടുത്തുകൊണ്ടു പോകുമ്പോള്‍ തൊട്ടുമുമ്പില്‍ ഒരാള്‍ മൂന്നോ നാലോ ദ്വാരങ്ങളിട്ട ഒരു പച്ചമണ്‍കുടത്തില്‍ തീക്കനല്‍ കൊണ്ടുപോകണം.
ജീവന്‍ വെടിഞ്ഞുകഴിഞ്ഞ ശരീരത്തെ വിധിപ്രകാരം സംസ്കരിക്കുന്ന ചടങ്ങിനെ "അന്ത്യേഷ്ടി" എന്ന് പറയുന്നു.
വിധിപ്രകാരം തയ്യാറാക്കുന്ന അഗ്നികുണ്ഡത്തില്‍ ശവശരീരം സുഗന്ധദ്രവ്യങ്ങളോടൊപ്പം വേദമന്ത്രോച്ചാരണത്തോടെ ദഹിപ്പിക്കുന്നത് ഒരു യാഗകര്‍മ്മം തന്നെയെന്ന് കരുതപ്പെടുന്നു. "ഇഷ്ടി" എന്നാല്‍ യാഗം എന്നാണര്‍ത്ഥം. അന്ത്യേഷ്ടി അങ്ങനെ ഒരു വ്യക്തിയുടെ അവസാനത്തെ യാഗമായി വിവക്ഷിക്കപ്പെടുന്നു. ജീവനൊഴിഞ്ഞുപോയ ശരീരം ജഡവും അശുദ്ധവുമാണ്. സകലതിനേയും ശുദ്ധീകരിക്കുവാന്‍ കഴിവുള്ള അഗ്നി തന്നെ ദഹനത്തിലൂടെ ശവശരീരത്തെയും ശുദ്ധീകരിച്ച് ഒരു പിടി ചാരമാക്കുന്നു.
No comments:
Post a Comment