നോക്കുകുത്തി ഉണ്ടെങ്കില്‍ കരിങ്കണ്ണ് ഫലിക്കില്ലേ?
കൃഷിത്തോട്ടങ്ങളിലും പുതിയ കെട്ടിടം പണിയുന്നിടത്തുമൊക്കെ കോലം വരച്ചു വയ്ക്കുകയോ വികൃതരൂപങ്ങള്‍ ഉണ്ടാക്കി വയ്ക്കുകയോ ചെയ്‌താല്‍ കണ്ണേറു തട്ടാതിരിക്കുമെന്ന് വിശ്വസിക്കുന്നവരുണ്ട്.
നോക്കുകുത്തികള്‍ സ്ഥാപിച്ചിരുന്നാല്‍ ആളുകളുടെ നോട്ടം അതില്‍ മാത്രമായിരിക്കും. തോട്ടത്തിലെ ഫലവര്‍ഗ്ഗങ്ങളും കെട്ടിടം പണിക്കുള്ള സാധനങ്ങളും അപരിചിതരുടെ ശ്രദ്ധയില്‍പ്പെടാതെ പോകും. അതുകൊണ്ട് മോഷണം കുറയുമെന്ന് പറയാമെങ്കിലും നോക്കുകുത്തികള്‍ കര്‍ഷകരുടെയും വീട്ടുടമസ്ഥരുടേയും രക്ഷകന്‍ തന്നെയാണ്.
കൃഷിയിടങ്ങളില്‍ നിന്നും വന്യമൃഗങ്ങളുടെയും, വീടുപണി നടക്കുന്ന സ്ഥലത്ത് നിന്നും കള്ളന്മാരുടെയും ആക്രമണം തടയുകയായിരുന്നു നോക്കുകുത്തികളുടെ ജോലി, രാത്രി, ഇവ ജീവനുള്ള മനുഷ്യനാണെന്ന് കരുതി ശത്രുക്കള്‍ സ്ഥലം വിട്ട നിരവധി ഉദാഹരണങ്ങളുണ്ട്. ഫലത്തില്‍, നോക്കുകുത്തികള്‍ രാത്രിയില്‍ ഒരു പാറാവുകാരന്റെ ഡ്യൂട്ടിയാണ് ചെയ്യുന്നത്. നോക്കുകുത്തിയുണ്ടെങ്കില്‍ കാര്‍ഷിക വിളകള്‍ക്ക് വന്യജീവികളുടെ കണ്ണേല്‍ക്കേണ്ടിവരുന്നില്ല.
ഇതാണ് കാലാന്തരത്തില്‍ നോക്കുകുത്തിയുണ്ടെങ്കില്‍ കരിങ്കണ്ണ് ഫലിക്കില്ലെന്ന പ്രയോഗത്തിന് നിമിത്തമായത്.
No comments:
Post a Comment